२०७२ पुष ११ गते १०:०६ मा प्रकाशित
टर्कीको पुलिसले आजकल एकजना लुटेरा बेहुलीको खोजी गरिरहेको छ । यी बेहुली विवाहको पहिलो रातमै लाखौँ रुपैयाँ मूल्यका गहना तथा उपहार लिएर फरार भएकी हुन् । सिरियाली आप्रवासी रहेकी यी युवकीले यसअघि पनि दुइपटक सम्म यस्तै विवाहको नाटक गरेर ठगी गरेको खुलासा भएको छ ।
बेहुली बनाएर जिन्दगी बिताउने अभिलाषाका साथ ती युवतीलाई भित्राएका टर्कीको डेनजिली सहरका बेहुला राजा तुरकलका अनुसार एक म्यारिज ब्युरोमार्फत ती युवतीसँग उनको विवाह भएको हो । परिवार तथा आफन्तको सहमतीमै ती सिरियाली आप्रवासी युवतीसँग उनको विवाह भएको थियो ।
आफुले बेहुलीसँग सुहागरात पनि मनाउन नपाएको र उनी आफुलई ठगेर भागेको पीडित बेहुलाको भनाइ छ । विवाहको रात ठग बेहुलीले ती युवकलाई पेय पदार्थमा केही चिज मिसाएर खुवाइछन् । उक्त पेय पदार्थ खाएपछि बेहुला बेहोस् बने । ब्युझिँदा त झण्डै ८ लाख रुपैयाँ पर्ने सुनका सिक्का, गहना तथा नगद समेत लिएर बेहुली त्यहाँबाट सुइँकुच्चा ठोकिसकिछन् ।
जब उनले आफु ठगिएको कुरा पुलिसमा गएर उजुरी गरे र ती बेहुलीको तस्वीर पनि देखाए तब पुलिस अचम्ममा पर्यो । ती युवतीविरुद्ध यसअघि पनि दुइजनाले यस्तै ठगीको मामिलामा उजुरी गरिसकेका रहेछन् । आफुले लाखौँ खर्च गरेर विवाह गरेको र बेहुली उल्टै लाखौँ रकम लिएर भागेपछि ती युवक पीडामा परेका छन् ।
