केटाहरुका केही यस्ता बानी व्यहोराहरु हुन्छन् जसले केटीहरुलाई चिढ्याउँछन् । त्यसैले पुरुषहरुले आफ्नो महिला पार्टनर होस् वा केटी साथी वा अन्य जो कोही महिला सदस्य, तपसिलका आदतहरु उनीहरुका अगाडि देखाउनै हुँदैन :
प्रायः महिलाहरुको गुनासो यहीँ रहने गरेको हुन्छ की उनीहरुको पुरुष पार्टनरले आफ्ना कुरै सुन्दैन । प्रायः पुरुषहरुमा यो समस्याकै रुपमा रहेको हुन्छ । आफ्नो पत्नी, वा प्रेमिकाले भनेका यत्ति कुराहरुमा मात्र उनीहरुको ध्यान पुगेको हुन्छ जति आवश्यक हुन्छ । तर यस्तो अड्कलेर कुरा सुन्ने पुरुषको बानी महिलालाई मन पर्दैन ।
कमोटवाला ट्वाइलेट प्रयोग गरिसकेपछि धेरै पुरुषहरुको बानी हुन्छ ट्वाइलेट सिट खुल्लै छाड्ने अर्थात् नउठाउने । यो सानो कुरा लाग्नसक्छ तर पटक पटक भन्दा पनि जब पुरुषले ट्वाइलेट सिट उठाउँदैनन् तब महिलाहरुको रिसको पारो चढ्छ ।
आफ्नो पुरुष पार्टनरले कुनै गरीब मान्छे वा अरु कुनै दोश्रो मानिससँग रुखो बचन बोलेको कुरा महिलालाई मन पर्दैन र यस्तो बानीलाई निकै खराब ठान्दछन् ।
डेटिंगमा गएको बेला गर्लफ्रेण्डसँग रोमान्टिक कुराकानी गर्नुको साटो फोनमा व्यस्त हुने केटाहरु प्रति केटीहरु आगो हुन्छन् । यस्तो समयमा आफ्नो पार्टनरले फोनमा होइन आफुप्रति पूरै ध्यान केन्द्रित गरोस् भन्ने चाहना महिलाहरुको हुन्छ ।
प्रायः केटीहरु हरेक कामकुरा पहिले नै योजना बनाएर गर्दछन् । केटाहरुले जे कुरा पनि हतारमै गर्ने वा विना योजना तत्कालै निर्णय गरेर गरिहाल्ने बानी केटीहरुलाई मन पर्दैन । पार्टनरको यस्तो बानीले महिलाहरुलाई रिस उठाउँछ ।
सम्भोगको सत्रपछि महिलाहरु गफिन चाहन्छन् । तर पुरुषहरु भने सहवासपछि सुतिहाल्न चाहन्छन् । सम्भोगपछि सुतिहाल्ने वा पिठ्यु फर्काइदिने पुरुषको बानी महिलालाई मन पर्दैन ।
फोहोर यताउती फ्याँक्ने तथा सामान चलाइसकेपछि वा प्रयोग गरिसकेपछि जहाँ पायो त्यति छाड्ने र ठेगान नलगाउने पुरुषहरुको बानी महिलालाई मन पर्दैन ।
महिलाहरु त्यस्ता पुरुषप्रति कम आकषिर्त हुन्छन् जो आफ्नो लुक्सलाई लिएर खासै सचेत हुँदैनन् । कपाल देखि लिएर पहिरन तथा लुक्स र सरसफाइ ध्यान दिने केटाहरुप्रति केटीहरु आकषिर्त हुन्छन्
