चलचित्र प्राविधिक बिक्की श्रेष्ठ रामबहादुर को गए राति निधन भएको छ । ४२ बर्षीय श्रेष्ठ गएराति प्रदर्शनी मार्गमा मृत अवस्थामा फेला परेको चलचित्र प्राविधिक संघका निवर्तमान अध्यक्ष मनोज केसीले जानकारी दिए । उनको निधनको कारण खुल्न नसकेको बताइएको छ।
उनको शवलाई अहिले शिक्षण अस्पतालमा राखिएको छ र सोमबार बिहान पोस्टमार्टम गरिने छ । पोस्टमार्टम पछि मात्रै उनको निधनको कारण पत्ता लाग्ने केसीले बताए । यो शोकको घडिमा सोमबार एक दिन कुनैपनि फिल्मको छयांकन तथा अन्य प्राविधिक कार्य नगरिदिन चलचित्र प्राविधिक संघले आग्रह गरेको छ । साथै सोमबार बिहान १० बजे शिक्षण अस्पतालमा उपस्थित हुन पनि फिल्मकर्मी, सञ्चारकर्मीलाई संघले आग्रह गरेको छ ।
बिक्की नेपाली फिल्मका पुराना प्राविधिक हुन । चिफ लाइटम्यानको रुपमा काम गर्दै आएका उनी छायांकार कृष्ण श्रेष्ठका भाई हुन ।
