USA visa५ चैत, काठमाडौं । काठमाडौंस्थित अमेरिकी दूताबासबाट सन् २०१५ मा २४ हजार ७१० जनाले भिसा पाएका छन् । अमेरिकी विदेश मन्त्रालयले सार्वजनिक गरेको तथ्यांक अनुसार १९ हजार ४९ जना गैरआप्रवासी र ५ हजार ६६१ ले आप्रवासी भिसा पाएका छन् । गैरआप्रवासी भिसा पाउनेमा ३६६ जना प्राध्यापक एवं चिकित्सक छन् भने ४ हजार ६४५ जना अध्ययनका लागि छन् । यस्तै १४ हजार ९४४ ले खेलाडी, घुम्न वा विजनेश प्रयोजनका लागि बी भिसा पाएका छन् भने ११ जना पत्रकारले पनि अमेरिकी भिसा पाएका छन् । अमेरिकी गैरआप्रवासी भिसा पाउनेको सख्या अघिल्लो वर्षर्का वर्षको तुलानामा झण्डै सात हजारले बढी हो । २०१४ मा १५ हनार १८० ले गैरआप्रवासी भिसा पाएका थिए । यस्तै आप्रवासीतर्फ भिसा पाउनेको संख्या केही बढेको छ । २०१४ मा ४ हजार ९९६ ले भिसा पाएका थिए ।
