काठमाडौँ, ३१ भदौ, बिहीबार प्रधानमन्त्री पुष्पकमल दाहाल ४ दिने भारत भ्रमणको लागि त्यता तिर लागे साथमा ११६ जनाको जम्बो टोली पनि । साथमा छोरा प्रकाश दाहाल पनि छन् भने श्रीमती सीता दाहाल पनि । भ्रमण असोजको ३ गतेसम्म चल्नेछ जसमा भारतीय उच्च व्यक्तित्वहरुसँग भेटघाट, छलफल तथा अवलोकन हुनेछन् ।
बिहीबार दिल्ली पुगेका प्रचण्डले हिजै भारतीय विदेशमन्त्री सुष्मा स्वराजसँग भेटघाट गरेका छन् । यसैगरी विभिन्न राजनीतिक दलका नेताहरुसँग पनि प्रचण्डको भेटघाट भयो भने साँझ नेपाली राजदूतावासले आयोजना गरेको रात्रिभोजमा पनि सहभागी भए ।
आज विहानैबाट प्रधानमन्त्री दाहालको उच्च स्तरीय राजनीतिक भेटघाट सुरु भएको छ । दाहालले पहिलो चरणमै भारतीय समकक्षी नरेन्द्र मोदीसँग भेट गरे । उनलाई त्यहाँ भव्य स्वागत गरिएको थियो । विशेष सुरक्षा सहित त्यहाँ पुगेका प्रधानमन्त्री दाहालको साथमा श्रीमती सीता दाहाल पनि उपस्थित थिइन् ।
लौ न ! सीता मेडम यो के गरेको ?
प्रधानमन्त्रीसीत पत्नी सीता दाहाल पनि सँगसँगै थिइन् तस्विरमा हेर्नुहोस् । विशेष सुरक्षा व्यवस्थासहित हैदरावाद हाउसमा पुगेका उनीहरुलाई प्रधानमन्त्री मोदीले स्वागत गरे । स्वागत गर्दै गर्दा कताबाट हो सीता दाहाल प्रचण्डको साथमा हुनु पर्ने मोदीको साथमा पुगिन् । फोटोमा देखियो निक्कै असभ्य । फोटो हेर्नेलाई लाग्छ सीता दाहाल नेपालको प्रधानमन्त्री पत्नी नभएर भारतीय प्रधानमन्त्रीकी पत्नी हुन् । शिष्टाचारको ज्ञान नहुँदा प्रधानमन्त्री पत्नी सीता यसरी लज्जित बनिन् ।
यसमा शिष्टाचार महापालको पनि गल्ती छ । उनीहरुले सम्झाउनु पर्ने हो तर त्यो हुन नसकेको देखियो । स्वयम् सीता मेडमले पनि याद गर्नु पर्ने सानो कुरा तर खै देखिएन ! नेपाली विशिष्टहरुको उच्च स्तरीय भ्रमणमा हरेक पटक यस्ता गल्ती देखिने गरेका छन् । आगामी दिनमा नेपाली विशिष्टहरुले सचेत हुन जरुरी छ ।
\
