आइफोनका पारखीहरुलाई खुशिको खबर छ । आइफोन निर्माता कम्पनी एप्पलले छिट्टै आउन लागेको नयाँ आइफोनको मूल्य आधा भन्दा कम रहेको जनाएको छ ।
एप्पलले छिट्टै सानो आकारको आइफोन र आइप्याड प्रो बजारमा ल्याउँदैछ ।
नयाँ आइफोन आइफोन एसइको प्रोसेसिङ र ग्राफिक्स परफमेन्स आइफोन सिक्स एसको जस्तै हुने एप्पलको दावी छ ।
एसइमा चार इन्चको स्क्रिन र सिक्स एसमा ४ दशमलव ७ इन्चको स्क्रिन रहनेछ । यस्तै, आइप्याड प्रोमा ९ दशमलव ७ इन्चको स्क्रिन रहने छ । आइफोन एसइ आउँदो मे महिनाको अन्तिमसम्ममा एक सय १० देशमा उपलब्ध हुने एप्पलको दावी छ ।
१६ जिबी स्टोरेज भएको आइफोनको मूल्य तीन सय ९९ अमेरिकी डलर अर्थात्, करिब ४३ हजार नेपाली रुपैयाँ तथा ६४ जिबी स्टोरेज भएको आइफोनको मूल्य चार सय ९९ अमेरिकी डलर अर्थात्, झण्डै ५४ हजार नेपाली रुपैयाँ रहने छ । आइफोन सिक्स एसको मूल्य भने अहिले नेपाली बजारमा ८१ हजार रुपैयाँभन्दा बढी छ ।
