काठमाडौं। बलिउड अभिनेत्री श्रीदेवीको ‘हर्ट एट्याक’का कारण निधन भएको छ । दुबइमा ‘कार्डियक अरेस्ट’ का कारण ५४ वर्षको उमेरमा उनको ज्यान गएको हो । हर्ट एट्याकका घटनामध्ये लगभग ४५ प्रतिशत ‘साइलेन्ट हर्ट एट्याक’ हुन्छन् ।
विशेषज्ञका अनुसार कुनै मुटुसम्बन्धी रोग नभएकाहरुलाई पनि साइलेन्ट हर्ट एट्याकको खतरा हुन्छ । यसलाई साइलेन्ट मायोकार्डियल इन्फ्रेक्सन पनि भनिन्छ । यो समस्यामा कुनै पनि व्यक्तिलाई हृदयाघातअघि छातीमा पीडा हुँदैन जसका कारण हर्ट एट्याकको बारेमा थाहै हुँदैन । यो समस्यामा मस्तिष्कसम्म पीडा महसुस गराउने स्नायुमा समस्या हुने हुँदा व्यक्तिले पीडा महसुस गर्दैन ।
साइलेन्ट हर्ट एट्याकका ५ लक्षण
१. ग्याष्ट्रिकको समस्या र पेटको खराबी
२. बिना कारण सुस्ती र कमजोरी
३. थोरै मेहनतमा थकाइ लाग्नु
४. अचानक चिसो पसीना आउनु
५. पटक पटक सास बढेर स्याँस्याँ हुनु
साइलेन्ट हर्ट एट्याकका ५ कारण
१. धेरै तैलीय चिल्लो र प्रशोधित खाना
२. शारीरिक परिश्रम नगर्नु
३. मदिरा सेवन र धुम्रपान
४. मधुमेह र मोटोपन
५. स्ट्रेस र तनाव
साइलेन्ट हर्ट एट्याकबाट बच्ने ५ उपाय
१. खानामा सलाद, सागसब्जी धेरै समावेश गर्नुहोस् ।
२. नियमित व्यायाम, हिँडडुल र योगासन गर्नुहोस् ।
३. धुम्रपान मदिरापानबाट टाढै रहनुहोस् ।
४. खुसी रहनुहोस्, स्ट्रेस र तनावबाट बच्नुहोस् ।
५. नियमित स्वास्थ्य जाँच गराउनुहोस् ।
