काठमाडौँ, १४ फागुन : सर्वोच्च अदालतले प्रधानन्यायाधीश गोपाल पराजुलीको एकल इजलासमा कान्तिपुर मिडिया ग्रुपलाई ७२ घण्टाभित्र बयानका लागि उपस्थित हुन आदेश दिएको छ ।
अवहेलना मुद्दामा पराजुलीको एकल इजलासले ग्रुपका अध्यक्ष कैलाश सिरोहिया, निर्देशक स्वस्तिक सिरोहिया, कान्तिपुर दैनिकका प्रधानसम्पादक सुधीर शर्मा र पत्रकार कृष्ण ज्ञवालीलाई बयानका लागि स्वयम् उपस्थित हुन आइतबार आदेश दिएको हो ।
प्रधानन्यायाधीश पराजुलीको जन्ममितिबारे समाचारलाई लिएर अधिवक्ता तोयनाथ ढुङगानाले कान्तिपुरविरुद्ध केही समय अगाडि अवहेलना मुद्दा दर्ता गराएका हुन् । कान्तिपुरले आचारसंहिता पालना गरे नगरेको छानविन गर्न प्रेसकाउन्सिलका नाममा समेत अन्तरिम आदेश जारी गरिएको छ ।
